منتدى اسلامى ^ متنوع ^برامج حمايه ^الفتوشوب والتصاميم ^ تطوير المنتديات ^ أكواد^تومبيلات
أخطاء علمية 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا أخطاء علمية 829894
ادارة المنتدي أخطاء علمية 103798
منتدى اسلامى ^ متنوع ^برامج حمايه ^الفتوشوب والتصاميم ^ تطوير المنتديات ^ أكواد^تومبيلات
أخطاء علمية 613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا أخطاء علمية 829894
ادارة المنتدي أخطاء علمية 103798
منتدى اسلامى ^ متنوع ^برامج حمايه ^الفتوشوب والتصاميم ^ تطوير المنتديات ^ أكواد^تومبيلات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

منتدى السيف المسلول الاسلاميه


 

 أخطاء علمية

اذهب الى الأسفل 
2 مشترك
كاتب الموضوعرسالة
şα3β αηšαķ
المدير العام
المدير العام
şα3β αηšαķ


الأوسمة : أخطاء علمية W4
انثى
عدد المساهمات : 6332
تاريخ التسجيل تاريخ التسجيل : 03/05/2009
العمر : 35

أخطاء علمية Empty
مُساهمةموضوع: أخطاء علمية   أخطاء علمية I_icon_minitimeالأحد نوفمبر 14, 2010 10:19 pm

أخطاء علمية تعودنا نشوفها بالأفلام


أخطاء علمية 2319511694c7fcfc6a7c6deec0211677



1- كاتم الصوت والمسدسات

الصوت الخفيف اللي نسمعه والمجرم حاط الكاتم (مثل صوت حبل ينسحب من تحت الفراش بسرعة ) كلَك بكلَك. الكاتم يخفف الصوت بس مو وايد راح يظل صوت الطلقة قوي، وقوي كفاية انه الفريج الجيران يقومون منه بعد. علمياً قوة صوت الطلقة من غير الكاتم توصل 150 ديسيبل، ومع الكاتم يصير 120، الفرق مو وايد.


أخطاء علمية 70b198ebca509803601b32494d4c95b0


2- شاحنات نقل البنزين والأكشن

ياخذ له رشاش ويخلصه عالشاحنة بعدين ينفجر الخزان وتطلع ألعاب نارية وإذا كنت محظوظ راح تشوف اسم الفيلم ينكتب بالنار عالأرض، وتلقى البطل عافس ويهه ومعطي الخزان ظهره وماشي يعني مو هامّه وحد الكوول

طلقات المسدس أو الرشاش شبه مستحيل تخترق الخزان بالأساس؛ وحتى لو قلنا يالللللههههههه هالطلقة قوية حيل ومصنوعة مخصوص حق اختراق الخزانات، كل اللي يصير الخزان يسرّب بنزين شوي لا أكثر ولا أقل.


أخطاء علمية 70b198ebca509803601b32494d4c95b0



3- كل شي في الفضاء بطيء

أخطاء علمية F23f5d7e5e1646c7c630c85cbc305200

مقاطع الفضاء بالأفلام أو حتى الثقافية منها لشركة ناسا واللي نشوفها بالأنترنت دايما نشوفهم يتحركون بطيييييييييءءءء حيييييلللل مثل مقطع مصورينه عالبطيء. اللي يشوفهم يقول حركتهم ثقيلة كلش. حتى واحنا صغار نبي نلعب يعني رواد فضاء نسوي روحنا نطير عالبطيء

الانطباع هذا مو حقيقي، رواد الفضاء يتحركون بطيء عمداً. يعني يقدرون يتحركون بسرعة بس ما يبون. ليش؟ المساحة داخل المركبة الفضائية حيل صغيرة واحتمال كبير يكسرون أجهزة او يطيحون أغراض أو يتعورون إذا تحركوا بسرعة من غير حساب.

فكر فيها، الحركة في الفضاء أسرع بسبب انعدام الجاذبية، إذا ماكو شي يشدك لجهة معينة أكيد بتصير أسرع.


أخطاء علمية 70b198ebca509803601b32494d4c95b0


4- المكالمة الهاتفية للمعتقل

كلمن دش السجن له حق بمكالمة هاتفية غصباً على أكبر راس بالمخفر. تلقى المجرم أو البطل يحن على راسهم “أبي مكالمتي” و “أبي أدق تلفون” “عطوني التلفون لا أشتكي”.

لا يبه كلام فاضي، بعض السجون يخلونك إي وبعضهم لأ، ماكو قانون يلزمهم بهالمكالمة اللي تخليك تدق على واسطتك وربعك. مادري على شنو هابّين بهالحركة بالأفلام.


أخطاء علمية 70b198ebca509803601b32494d4c95b0



5- المجرم يدّعي انه مختل عقلياً في المحكمة

أغلب قضايا المحاكم بالأفلام نلقى المجرم يدّعي انه مختل عقلياً عشان يطلع براءة أو يخففون من الحكم عليه، و 90% من الحالات تنتهي لصالح المجرم.

بالصج المحاكم نااااادراً حيييييييل يستخدمون هالادعاء لتعقيده وضعف فرصته في المحكمة. يقولون بأمريكا بس واحد بالمائة من القضايا يستخدمون فيها هالعذر، ورُبعهم بس اللي يربحون القضية! وتقريباً كلهم يكونون مستخدمينه فقط كعامل، يعني ما يكون الاعتماد كلي على ادعاء انه مختل عقلياً.


أخطاء علمية 70b198ebca509803601b32494d4c95b0



6- كفخة ورا الراس تمسح ذاكرتك

أخطاء علمية 587190da8d19e7d03e168c5d993eb585

يراوونك واحد من الربع على قشمرة كفخ صماخ رفيجه من ورا والأخ فقد الوعي بعدين قام مو ذاكر شي ولا حتى اسمه. بعدين ينكفخ مرة ثانية بالصدفة وكل شي يرد طبيعي.

بالصج حالات فقدان الذاكرة فوق انها نادرة حيل تلقى من النادر أكثر انها تصير من ضربة على الراس.

بس ودي أعرف من صج في أحد مر عليه شخص فقد الذاكرة طبعاً ما أقصد ألزهايمر في فرق بين الاثنين.



أخطاء علمية 70b198ebca509803601b32494d4c95b0




7- السمك الصغير المتوحش اللي ياكل لحوم البشر

أخطاء علمية D2ef00d56cc69691affb12245a8e0bc0

نشوف واحد يطيح ببحيرة أو نهر بمنطقة استوائية ومرة وحده يصرخ من قُمة راسه وسطح الماي يتحرك بسرعة يعني أسماك صغيرة مفترسة قاعدة تنهش في الريّال فقير.

الأسماك هذي حقيقية ما عليها كلام، وفعلاً عندها أسنان حادة (شوفوا الصورة) وتاكل لحم إي محد يختلف. بس بالصج ياكلون الأسماك الأخرى بشكل رئيسي مو بشر. ما ياكلون بشر إلا إذا ذبحهم الجوع وكانوا مجموعة كبيرة بحوض صغير يخليهم يتنرفزون، إذا صار وواحد طاح بالحوض هالحزة بس تلقى يعضون ويقرمون منه بس، مو ياكلونه أكل عالآخر ويخلونه عظم نفس ما نشوف بالأفلام والكارتونات.


أخطاء علمية 70b198ebca509803601b32494d4c95b0



8- الحرب في الفضاء

أخطاء علمية 67f2cde2b9e19477025c7efd3bb677c8


الفضاء ما فيه هوا أو أي مادة تنقل الصوت، إذا في شي ينفجر ما راح يطلع صوت قوي يبط اذنك والسفن الفضائية تسمعه. حتى يوم يحفرون أو يستخدمون أجهزة أو يمشون بسيارة على سطح أي كوكب أو قمر فضائي ما راح يطلع صوت مزعج من عملية الحفر أو ماكينة السيارة وتوايرها أو صوت أجهزة.



أخطاء علمية 70b198ebca509803601b32494d4c95b0



9- واحد يطيح وبنص الطيحة يمسكونه عشان لا يوصل الأرض ويموت

أخطاء علمية 02c54bb43bfcc86157ec7d6ab6e54033

بالأفلام الخارقة تشوف وحده تطيح من فوق عمارة عالية والرجل العنكبوت أو باتمان أو سوبرمان أو أي خبل من هالطقة يطيرون من الجنب ويمسكونها بنص الطيحة وينقذونها، والكل يستانس ومحد تعوّر. بالصج هالكلام ما يصير.

لما يطيح واحد من ارتفاع عالي وبنص الهوا مسكه شخص مرة وحده اثنينهم راح يروحون فيها، يعني ما يفرق إذا مسكه شخص بإيده أو طاح عالأرض لأنه السرعة عالية وراح تعوره بالحالتين. والطايح راح يتعور أكيد، مو يعني إذا طاح بإيد بطل أو واحد قوي خلاص سلامات ما صار شي.

إلا اللهم إذا الواحد صار بنفس سرعة سقوط الشخص وبعدين مسكه وبعدين قلل السرعة تدريجياً وطار،،، إنطرني .



أخطاء علمية 70b198ebca509803601b32494d4c95b0


10- تحديد مكان المكالمة يبيله حوالي الدقيقة

لازم المجرم يظل يتكلم بالتلفون مع المحقق حوالي 45 ثانية أو دقيقة أو أكثر علما يصيدون مصدر المكالمة ويروحون له. لا يبه هالأيام بس يرن التلفون خلاص عرفوا من وين متصل ووين قاعد بالضبط.



أخطاء علمية 70b198ebca509803601b32494d4c95b0



11- نط من الدريشة عادي الزجاج ما يجرح

أخطاء علمية E5fc4ed46920f653fa60b5ed20d61d3e

الزجاج اللي يستخدمونه بالأفلام هذا من نوع خاص بس حق المشاهد وينكسر بسرعة يصير مثل تراب ما يعوّر الممثلين. بالصج الزجاج نادراً ينكسر إذا ركضت ونطيت عالدريشة أو الباب الزجاج أو واجهة المحل.

يمكن إذا شفتوا نشرات الأخبار بالصج حق أحداث الشغب راح تلاحظون الناس اللي تحذف كراسي عالمحلات زجاجهم ما ينكسر بسرعة نفس الأفلام، هذا الصج عاد كيفكم.


أخطاء علمية 70b198ebca509803601b32494d4c95b0



12- السجاير المولعة تشب البنزين

يصبون خط من البنزين على مسافة معينة لي سيارة أو طيارة وبعدين واحد يقط سجارته المولعة والنار تشب بالخط ليما توصل للسيارة أو الطيارة وكاااابووووووووم انفجار والعاب نارية.

في واحد خبير بالأدلة الجنائية اسمه ريتشارد تونتارسكي سوا تجربة سنة 2007م كان يولّع سيجارة ويقطها بصينية أو صحن بنزين. عاد التجربة 2000 مرة، ولا مرة من هالألفين ولّع البنزين من السيجارة!


أخطاء علمية 70b198ebca509803601b32494d4c95b0



13- السيارة إذا كانت حد الدوسه تقدر تعبر الحفر الكبيرة

أخطاء علمية 0a7a9a5a84e059164dd53819af98b925

عشان تطوف السيارة حفرة كبيرة بين جسرين أو طرفين بناية ما راح يفرق إذا كانت دايسه أو لأ، بالحالتين راح تطيح السيارة. فيزيائياً لازم يكون في شي يخلي السيارة تصعد بزاوية مرتفعة عشان توصل للجهة الثانية وبسرعة معينة.





أخطاء علمية 70b198ebca509803601b32494d4c95b0



14- الطلقات تطلّع شرار

يفرغون مسدسات ورشاشات على البطل اللي يناقز ومحد يحوشه وحوالينه نشوف شرار يطير يعني الطلقات مبوشه الهدف. طلقات المسدس مصنوعة من الرصاص وما يصدر منها شرار سواءاً حاشت الكاشي أو معدن أو خشب أو خشم ديناصور.


أخطاء علمية 70b198ebca509803601b32494d4c95b0



15- السيارات المحترقه تنفجر


أخطاء علمية Cf731ec17a45b196fb11b54e5068d620


من الحالات النادرة انفجار السيارة بسبب الاحتراق، أنا شخصياً شفت سيارة تحترق جدامي وقعدت نص ساعة تقريباً أشوفها تحترق علما وصلوا المطافي والحمد لله ما انفجرت.

نفس الشي إذا طاحت سيارة من مرتفع عالي أو رشوها بمسدس أوتوماتيكي أو طلقات وايد، المفروض ما تنفجر.



أخطاء علمية 70b198ebca509803601b32494d4c95b0

16- واحد يطير لي ورا من طلقة حاشته

يعني لازم مسدسات الأبطال شي ما صار ولا استوى، هوليوود يحبون يشوفون البطل يطق بمسدسه العجيب وهو مكيّف أو حتى منسدح مرتاح وتلقى الأشرار يتطشّرون أمتار لي ورا من الطلقات.

ما يصير يبه والله ما يصير ، يعني وين قاعدين يا عالم يا بشر حرام عليكم ، في شي اسمه فيزيا، في واحد شق راسه واهو يفكر وطلع بنظريات اسمه نيوتن وقانونه الثالث يقول “لكل فعل رد فعل، مساو له في المقدار ومعاكس في الاتجاه. بشرط ان لايتأثر من تلقى الفعل بشكل سلبي يؤثر على رد فعله.” إذا واحد طق مسدس طلقته قوية لازم اهو يطير لي ورا أو تنكسر ايده عشان المجرم يطير لي ورا.

…..


أخطاء علمية 70b198ebca509803601b32494d4c95b0
الرجوع الى أعلى الصفحة اذهب الى الأسفل
https://saloomero.mam9.com
basmala
نــــائبه المديرالعام
نــــائبه المديرالعام
basmala


الأوسمة : أخطاء علمية 78c57f10
انثى
عدد المساهمات : 2224
تاريخ التسجيل تاريخ التسجيل : 10/06/2009
العمر : 29

أخطاء علمية Empty
مُساهمةموضوع: رد: أخطاء علمية   أخطاء علمية I_icon_minitimeالإثنين نوفمبر 15, 2010 4:22 pm

تسلم ايديكى حبيبتى
أخطاء علمية 750951
الرجوع الى أعلى الصفحة اذهب الى الأسفل
 
أخطاء علمية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى اسلامى ^ متنوع ^برامج حمايه ^الفتوشوب والتصاميم ^ تطوير المنتديات ^ أكواد^تومبيلات :: ♥ ۝ المنتدى الـــعام ۝ ♥-
انتقل الى: