بتحبه بجد...؟؟؟

((ربيعة بن كعب الأسلمي ))

كان فيه واحد من اصحاب النبي عليه الصلاة والسلام مكنش عارف يعيش حياته لييييه؟؟
لانه مكنش يقدر يقعد فى البيت الا لما يجي وينظر للنبي عليه الصلاه والسلام
فلما تذكر انه حيموت وممكن لما يدخل الجنة تبقى درجته اقل من درجه النبي عليه الصلاه والسلام فمعرفش يعيش!!

طيب ليييه؟ علشان كده مش حيشوفه ده كان تصوره
ــــــــــــــــــــ

. شوفوا بقى تقول عائشه رضي الله عنها جاء
رجل إلى النبي عليه الصلاة والسلام فقال(( يا رسول الله إنك لأحب إلي من
نفسي وإنك لأحب إلي من ولدي وإنى لأكون فى البيت فأذكرك فما أصبر حتى آتي
وأنظر اليك وإذا ذكرت موتي وموتك عرفت أنك إذا دخلت الجنة رفعت مع النبيين
وإنى إذا دخلت الجنة خشيت أن لا أراك فنزل جبريل عليه السلام بهذه الآية ((
ومن يطع الله والرسول فأولئك مع الذين أنعم الله عليهم من النبيين
والصديقين والشهداء والصالحين وحسن أولئك رفيقا ))
ــــــــــــــــ

حنروح لواحد تانى من اصحاب النبي عليه الصلاة والسلام برضه مكنش بيقدر يفارق النبي عليه الصلاه والسلام ولا دقيقة وكان شاب صغير وهو ربيعه ابن كعب
ده كان بيقعد فى المسجد كده وينظر الى النبي عليه الصلاه والسلام وهو رايح وهو جاى وهو بيتكلم . حب النبي عليه الصلاه والسلام ملأ عليه قلبه
فقعد يفكر فى طريقه قال دلوقتى النبي عليه الصلاة والسلام بيدخل البيت بعد
الصلوات وبعد مجالس العلم وبعدين مبعرفش اشوفه طيب اشوفه ازاى جوه البيت؟
ـــــــــــــــــــــ
قعد يفكر قال يا رسول الله : الا تتخذني خادما؟؟ مش ممكن تشغلنى عندك خدام ؟!علشان
يشوف النبي صلي الله عليه وسلم جوه البيت برضه لما يخدمه فقبله رسول الله
خادما فكان بقى بيحب النبي عليه الصلاه والسلام ويشوفه وهو فى البيت ويجري
يجيب له الحذاء بس كان بيزعل اوى لما بتخلص صلاه العشاء وبينتهى عمله جوه
بيت النبي عليه الصلاه والسلام فلازم بقى يروح بيته علشان النبي عليه
الصلاه والسلام بقى ينام او يقيم الليل فعارف كان بيعمل ايه ؟؟
ـــــــــــــــــ
كان لما يخرج من بيت النبي عليه الصلاه
والسلام يقعد على الباب طول الليل يمكن يخرج النبي عليه الصلاه والسلام
فيشوفه!! سبحان الله العظيم فيقول رضي الله عنه ( فكنت اجلس على باب رسول الله لعلي اراه ) قال فكنت اسمعه يصلي فتعلمت منه صلاه .)
ربيعه بقى فى يوم من الايام جاءه النبي عليه الصلاه والسلام فقال له : ياربيعه الا تتزوج؟ قال لا يا رسول الله قال لم ؟
فقال له : حتى لا يشغلني عنك مال ولا ولد...
ـــــــــــــــــــــــ

ربيعه
فى يوم من الايام النبي عليه الصلاه والسلام حب يكافأه على كل هذا الحب
فقال له ياربيعه سل ( أى اطلب) اطلب عايز ايه ؟؟ فكل واحد فينا كده ياشباب
المسلمين يحط نفسه مكان ربيعه بن كعب شاب لا عنده مال ولا عنده بيت ولا
عنده شغل ولا متزوج وامامك النبي عليه الصلاه والسلام لو دعا الله لك
لاستجاب الله له هاااا حتطلب اييييه؟؟ ياتري شقه
ولا عربيه ولا زوجه ولا فلوس؟ ولا شغل ؟؟ طيب شوف بقي ربيعه ابن كعب كان
ايه اللى شاغله وهو شاب لاعنده بيت ولا زوجه ولا مال قال : أسألك مرافقتك في الجنة
.... فقال النبي عليه الصلاه والسلام أوغير ذلك؟؟ يعني مش عايز حاجه
تانيه؟؟ غير انك تبقي معايا فى الجنة ؟ قال هو ذلك يعنى مش عايز غير كده

والسلام قال : من علمك هذا يا ربيعه ؟ فقال له : لم يعلمنيه احد يا رسول
الله ولو نطقت كل مثقال ذرة فى بدني وكل قطره فى دمي لقالت : علمنيه حبك ,
علمنيه حسن خلقك , علمنيه جمال طلعتك , وحسن رؤيتك . اللهم صل وسلم وزد
وبارك عليك يارسول الله .
عن عبد الله بن مسعود
رضي الله عنه أن رجلا سأل النبي عليه الصلاه والسلام فقال له : يارسول الله
كيف تقول فى رجل أحب قوما ولم يلحق بهم ؟ فقال النبي عليه الصلاه والسلام
:المرء مع من أحب //أي مع من احب فى الله..

حب النبي عليه الصلاه والسلام يجعلك تبلغ
منازل قد لاتبلغها بعمل صالح من صيام وصلاه وزكاة فحسب . يعنى المفروض طبعا
انك تكون بتصلى وبتزكي ولكن منازل الجنة العاليه قد تنالها بحبك للنبي
عليه الصلاه والسلام اكثر مما تنالها من العمل الصالح.

جاء رجل الى النبي عليه
الصلاه والسلام وقال له يارسول الله اخبرني عن الساعه . قال : وما اعددت
لها ؟ قال ما اعددت لها كثير صلاة ولا صيام ولكنى احب الله ورسوله, قال :
انت مع من احببت .
ــــــــــــــــــــ

يقول انس بن مالك رضي الله عنه قال : فما فرحنا بشئ بعد اسلامنا بمثل ما فرحنا بهذا الحديث ( المرء مع من احب ) فإني والله احب الله ورسوله وأبا بكر وعمر وأرجو من الله تعالى ان يحشرني معهم وإن لم اعمل بمثل ما عملوا .

(منقول للأمانة)

جزاك الله خير

جزاك الله خير

وياكم جميعا شكرا لمروركم الطيب

» اهدى ورده للشخص الي بتحبه