يوم الامتحان..نصائح لليوم المهبب

.أول ما هيوزعوا الورقه هتلاقى بنى ادم كده واقف ماسك ميكروفون...الاول هيزعق علشان يوتر اعصابك و ينسيك المعلومات.بس على مين؟؟؟مافيش معلومات اصلا علشان يطيرها.
و بعدين يدى الميكروفون لرئيس قسم الماده اللى هيقعد يقرألك الامتحان كله على اساس انك بتمتحن فصول محو الاميهو بعدين يسأل"فى حاجه مش واضحه؟"

طبعا أول سؤال هييجى على دماغك "هو أصلا فيه حاجه واضحه؟"لعلمك طول عمرى نفسى أقول الكلمه دى بس بخاف اترفد طبعا هنلاقى تلت تربع العيال حواليك عمالين يسألوا فى تفاصيل الاسئلهدليل انهم عارفين لأنك انت مش عارف تسأل على حاجه أصلا.و الرد الطبيعى الى بيرده رئيس المحكمه ...أقصد رئيس القسم :"الاسئله واضحه جدا و من الكتاب "...أمال انت داخل ليبه من الاصل ؟...ساعدنا بحاجه ربنا ما يوقعك فى ضيقه يا عم ...قصدى يا دكتور طبعا .

2.سيبك انت من الكلام ده أول ما يوزعوا الورقه قرأها انت كلها بسرعه و أشطب بسرعه على الاسئله الى انت ما ذكرتش الفروع بتاعتها.يعنى مثلا لو هم 12 سؤال و انت ما ذكرتش 9 فروع اشطب السئله بتاعتهم و عد الاسئله الى فضلالكو قسمها على الوقت هتلاقيه بيكفى و بيفيض كمان.
هتقولى و انا اعرف منين ان السؤال ده تبع الفرع الى انا ما ذكرتوش .مش محتاجه مش محتاجه ذكاء هتلاقيه مكتوب بحروف عربى عادى خالص بس انت بتبصله على اساس انه هيروغليفى.تعرف على طول انه هو ده و تفقعه خط عريض.

3.كلمة "لو"من الشيطان فلما تدخل الامتحان اوى تقول"لو كنت ذاكرت الحته دى ؟"..لانكعمرك مكنت هتذاكرها ولا هتذاكرها بع كده و تعيش و تاخد غيرها.(ده اكيد انك هتاخذ غيرها..)

4.ما تحطش البرشام فى الحمام لان المراقب ممكن يرخم عليك و ما يرضاش يطلعك . ساعتها هتحس بجردل ميه بس مش هتعرفتحدد ساعتها هو نازل فوق راسك و لا نازل على الكرسى .لو انت فاضى ممكن تحدد مصدر الميه من درجه حرارتها.لو ساقعه تى فوق راسك . و لعلمك كده احسن لان حمامات الكليه اصلا ريحتها تقرف ......مش موضوعنا .

5.ما تبرشمش على المسطره لان لو واحد زميلك خد المسطره ممكن يأخرها عليك و تحتاس او ممكن ايديه تيجى على الكلام تمسحه و ساعتا هتطلع من الامتحان تمسح بقيت بقيت الكلام على وشه .

6.قبل ما تغش من الى جنبك بص عليه 5 دقائق الاول .شوفه بيكتب على طول و لا بيفكر شويه و يكتب شويه و لا مبيكتبش خالص ...ليه بقى ؟علشان لو هو بيكتب على طول ..اعرف انه بيكتب اغنيه لتامر حسنى .و لو طول اوى تبقى لعبد الحليم و لوز بيكتب شويه و يفكر شويه يبقى اهبل و اختار اغنبه ماهواش حافظها اما لو مبيكتبش خالص فده انت تفقعه اسفين و تغششه كلام هبل لانه هو الى غلطان لانه ماذكرش و كمان جاى يعد جنبك -ناس ما عندهاش دم-يستاهل .اما انت بقى فقليل البخت يلاقى العضم فى الكرشه.

7.المشكله بقى بعد العك ده كله انك هتلاقى لسه باااادرى على نص الوقت و تتمنى الوقت يعدى لانك قاعد مقلق فى الدرج بتاع الامتحان -الى يجيب شلل اطفال و بلهمغولى اصلا - انك هتموت و تخرج....بس على مين ؟؟؟؟

ساعتها هتحس ان المراقب مش بس ضيع مستقبلك لا ده كمان بقى سجان من بتوع المارينزالامريكان و بيتلذذبتحذيبك لحااادنص الوقت.و لا يهمك...هو المراقب بيعمل اسد فى اول الامتحان انما اخر10دقائق بيبقى هيموت و يمشى .اوعى تمشى انتفى نص الوقت .زى ما هو رخم عليك ...رخم انت عليه و اقعد لغاية اااخر لحظهو خليه ياخد منك الورقه اخر واحد.و تعمد فى اخر 10دقائق تعمل نفسك بتراجع و تتعمد تبينله الكراسه فاضيه عشان تفرسه و كل قولـله"عاوز اشرب "و"مش عارف اركز من الصوت "

8.اطلع من الامتحان عادى خالص و اتبسك مع اصحابك و بعدين ارجع البيت ارزع وش اكتئابو قول للحاج "انا هاسقط فى الماده دى عااااااااا...."بس افتح الجعوره اوى و عتدعيلى لانك هتقول كده من هنا و هتحس بـ و لا حاجه من هنا "لمدة 6شهور على الاقل فى الانعاش "

بس ما تبقاش تورى النصايح دى للحاج او خبى اسمى من عليها .

كان معكم من امام لجنة الامتحان
الدور تحت الار ضى مدرج مدرسة الحب
جنه_الفرقه الثانيه